"ХЭНТИЙ ЭКО" ЖУУЛЧНЫ БААЗЫН ТОВЧ ТАНИЛЦУУЛГА
ХЭНТИЙ ЭКО жуулчны бааз нь 2014 оны 8 сард Хэнтий аймгийн Мөрөн сумын Бүрээт /3 дугаар/ багийн нутаг Эхэн усны ойролцоо, байгалийн үзэсгэлэнт өвөрмөц тогтоц бүхий газар байгуулагдсан, 10 монгол гэртэй, 30-40 хүнд үйлчлэх боломжтой, 24 цагийн, сэргээгдэх эрчим хүчний гэрэлтэй, Угаалгын газар /улирлын чанартай/, тохилог эко 00-той, жилийн 4 улиралд ажилладаг.Манай жуулчны баазад ирснээр ТА, тохилог монгол гэрт тухлаж, шинэ сүү цагаан идээ, гүүний саам, айраг, үндэсний төрөл бүрийн хоол хорхог зооглож, өндөр хүчин чадалтай хөгжим өсгөгч,микрофон, цэвэр дуугаралттай караокегоор үйлчлүүлэн байгалийн сайханд амарч, явган, морьтой аялал хийж, суурин дурангаар зэрлэг амьтан, шувуу ажиглан алжаалаа тайлах боломжтой.
Манай жуулчны бааз байгуулагдсан цагаасаа, нутгийн ан амьтан өвс
ургамлыг хамгаалах талаар анхаарч өөрсдийн санаачлага, хөрөнгөөр зэрлэг
амьтдад өвс тэжээл хужир шүү тавьж өгч, орчиндоо нутагшуулан, зэрлэг
сонгино, уулын төмс, тэхийн шээг зэрэг ургамал, бутыг тарималжуулах
ажлыг мэргэжлийн хүмүүсийн тусламжтайгаар хийж эхэлсэн бөгөөд одоогоор
60 орчим Аргаль угалз ээлжлэн жуулчны баазын ойролцоо орж ирж идэшлэдэг
болсон нь жуулчид, амрагч, нутгийн малчид, байгалийн гэрэл зураг
сонирхогчдын талархлыг хүлээсэн ажил болж байна.
ҮЙЛЧИЛГЭЭ: Зочдын монгол гэр, /нэг гэртээ 3 өргөн ортой/
Үндэсний бүх төрлийн хоол, шорлог, хорхог,
Цагаан идээ, айраг, гүүний саам.
30-40 хүнд зэрэг үйлчлэх хоолны газар.
Бүжгийн хөгжим хэрэгсэл, талбай.
Караоке баар, буфет.
Гар бөмбөгийн талбай
Снукер биллярд /удахгүй/
Ховор хуучин эдлэлийн гэр музей. /удахгүй/
Баяр ёслолын хүлээн авалт.
Амралт хосолсон сургалт, семинар зохион байгуулах
Цасны баяр зохион байгуулах
Бэлэг дурсгалын худалдаа.
Зураг авч угаах үйлчилгээ.
Морь, тэмээ унуулах.
Суурин том дурангаар ан амьтан, шөнийн сар од харах үйлчилгээ.
5 сарын 08- 5 сарын 15 ний хооронд Буйсны /монгол сакура/ цэцгэнд суух.
